«Бизнестің жол картасы – 2020» мемлекеттік бағдарламасы аясында өткізілген мемлекеттік гранттар беру конкурсының қорытындысы бойынша брифинг өтті

08.08.2019

Ағымдағы жылдың 7 тамыз күні «Өңірлік коммуникациялар қызметі» алаңында Жамбыл облысы әкімдігінің кәсіпкерлік және индустриалды – инновациялық дамыту басқармасының басшысы Ж.Сариев, басқарма басшысының орынбасары Ж.Кенжебеков, басқармаға қарасты Жамбыл облысының инвесторларға қызмет көрсету, жобалық басқару және цифрландыру орталығының директоры Д.Егізбаев және  «Атамекен» Ұлттық кәсіпкерлер палатасының директоры О.Қаржауовтың қатысуымен  «Бизнестің жол картасы – 2020» мемлекеттік бағдарламасы аясында өткізілген мемлекеттік гранттар беру конкурсының қорытындысы бойынша  брифинг өтті.

Брифингке Жамбыл облысының бұқаралық ақпарат құралдарының өкілдері және конкурстық комиссия мүшелері қатысты.

Жиында конкурс бойынша барлығы 466 өтінім, оның ішінде 21 мүмкіндігі шектеулі азаматтардың құжаттары қаралып, 7 отырыс өткізіліп, комиссияның шешімі бойынша 158 жас кәсіпкер жалпы сомасы 324 млн.теңгеге грант иегерлері аталғандығы туралы хабарланды. 

Сондай – ақ қазіргі уақытта бағдарламаның өңірлік үйлестірушісі қаржы агенттігі және шағын кәсіпкерлік субъектісімен мемлекеттік грант беру туралы шарттарына рәсімделу жұмыстары жүргізіліп жатқандығы айтылды.



Дата создания: 09.08.2019 10:13:34

Дата изменения: 09.08.2019 10:15:22

Возврат к списку